Har nayi subah apne saath naye log aur naye sapne lekar aati hai...
Lekin kabhi-kabhi...
Kisi ki zindagi mein sab kuch pehle se hi likha hota hai...
Bas usse khud us baat ka ehsaas nahi hota───
Delhi University |
College ka pehla din...
Poora campus students ki awaazon se goonj raha tha.
Kahin naye dost ban rahe the...
Toh kahin purane school friends saalon baad ek doosre se milkar khush ho rahe the.
Gauri ne dheere se college ke gate ke andar kadam rakha.
Uski aankhon mein excitement aur chehre par ek pyari si smile thi.
Usne poore campus ko dekhte hue dheere se kaha...
Gauri: Wow... kitni beautiful jagah hai.
(Tabhi peeche se koi usse takra gaya.Books zameen par gir gayi.)
Girl: Oh my God! I'm so sorry... meri wajah se...
(Gauri turant neeche baithi aur uski books uthakar usse de di.)
Gauri: It's okay... Waise bhi first day par thodi si nervousness toh banti hai.
(Dono hans padi.)
Girl: By the way... I'm Naina.
Gauri: Aur main Gauri.
(Ek chhoti si takraar...Aur wahi se ek nayi dosti ki shuruaat ho gayi.)
In the classroom
(Classroom mein professor sabka introduction le rahe the. Ek-ek karke sab students apne baare mein bata rahe the.Jab Gauri ki baari aayi...Woh dheere se khadi hui.)
Professor: "Yes... introduce yourself."
Gauri: "Hello everyone... Main Gauri Sharma hoon. Mujhe books padhna, painting karna aur nature ke saath time spend karna bahut pasand hai. Aur... main bas itna chahti hoon ki meri wajah se kisi ke chehre par ek smile aa jaye."
(Poori class kuch pal ke liye chup ho gayi.)
Professor ke chehre par bhi muskaan aa gayi.
Professor: "That's a beautiful thought."
Gauri halka sa muskura kar baith gayi───
In the Malhotra Corporations
(Conference room mein ek important meeting chal rahi thi. Presentation apne final stage par thi. Tabhi ek employee se calculation mein chhoti si mistake ho gayi Room mein ekdum sannata chha gaya.)
Sabko laga...
Aaj toh Raj Sir ka gussa dekhne ko milega.
Raj ne file band ki. Kuch seconds tak woh us employee ko dekhta raha.
Phir bilkul shaant awaaz mein bola...
Raj: "Mistakes sabse hoti hain."
(Employee ne ghabraate hue sar jhuka diya.)
Employee: "I'm sorry, Sir."
Raj: "Sorry se zyada important hai us mistake ko dobara na dohrana. Correct it... and move forward."
Employee ne rahat ki saans li.
Employee: "Thank you, Sir."
Raj ne sirf ek chhota sa nod diya aur meeting continue ho gayi.
(Raj strict zaroor tha...Lekin kabhi bhi bina wajah kisi ko neecha dikhana uski aadat nahi thi.)
Meeting khatam hote hi Raj apne cabin mein aa gaya.Usne apna coat chair par rakha hi tha ki phone ring karne laga.Screen par naam flash hua...
Deepak Sharma.
Raj ne turant call receive kiya.
Raj: "Good Morning, Mr. Sharma."
Deepak: "Good Morning, Raj. Kaafi din ho gaye mile hue. Socha iss Sunday ghar aa jao. Business ki baat bhi ho jayegi... aur family ke saath bhi thoda time spend kar lena."
Raj kuch pal ke liye khamosh ho gaya.
Jaise woh kisi gehri soch mein kho gaya ho.
Phir usne dheere se kaha...
Raj: I'll try... but final nahi keh sakta.
Deepak: No problem. Agar time mile toh zaroor aana.
Raj: Sure.
(Call cut ho gaya.)
Cabin mein phir se khamoshi chha gayi.
Raj apni chair par baitha raha.Uski nazar phone par tik gayi.Dheere se usne gallery open ki.
Ek photo screen par aayi...
Photo mein ek ladki khulkar muskura rahi thi.
Raj ka chehra pehli baar thoda soft nazar aaya.
Usne apni ungli se photo ko halki si touch kiya.
Aur dheere se bola...
Raj: "It's not the right time to meet you... not yet."
Usne phone lock kiya.
Lekin agle hi pal ek aur number dial kar diya.
Doosri taraf se turant call receive hua.
Unknown Person: Yes, Sir.
Raj: Sab theek hai na?
Unknown Person: Yes, Sir. Ma'am ka aaj college mein first day hai. Ab tak sab normal hai. Meri poori nazar Ma'am par hai.
Raj ki aankhon ka rang jaise badal gaya.
Uski awaaz pehle se bhi zyada thandi aur sakht ho gayi.
Raj: Nazar rakhna... lekin zyada nazar mat daalna.
Doosri taraf kuch pal ki khamoshi chha gayi.
Raj ne bina ek second waste kiye kaha...
Raj: Because... I don't know main kya karunga.
Unknown Person: Sorry, Sir... Understood.
Raj: Good
Call cut ho gaya.
(Raj dheere se apni chair se utha aur glass wall ke paas jaakar khada ho gaya.Neeche poora sheher apni raftaar se chal raha tha...)
Lekin Raj ki nazrein kahin aur hi khoi hui thi.
Usne dheere se aankhen band ki...Aur khud se sirf ek baat kahi...
Raj: "Jab tak waqt sahi nahi hota... tumhe mujhse door hi rehna hoga, My starlight.
Write a comment ...